wd wp Пошук: ⬜

Уладзімір Меншык

Уладзі́мір Ме́ншык (чэшск.: Vladimír Menšík; 9 кастрычніка 1929, Іванчыцы, Чэхаславакія — 29 мая 1988, Брно, Чэхаславакія) — чэшскі акцёр [3] мараўскага паходжання, вядоўца, шоўмен. Народны артыст Чэхаславакіі. Бацька актрысы і вядоўцы Марціны Меншыкавай. У тэатры гуляў вельмі мала — большасць са сваіх 150 роляў выканаў у фільмах і на тэлебачанні.

Біяграфія

Скончыўшы вучылішча, пэўны час працаваў на будоўлі. Пасля з другой спробы паступіў у Музычную акадэмію ў Брно, па сканчэнні ў 1953 прыйшоў працаваць у Весніцкі тэатр. Хоць там быў заангажаваны цалкам, усё ж марыў здымацца ў кіно. Упершыню паўдзельнічаў у здымках фільма «Вялікі шанец» у масоўцы. Пасля выканання ролі італьянскага механіка ў фільме «Дзядуля аўтамабіль» рэжысёра Альфрэда Радка нарэшце звярнуў на сябе ўвагу. Аднак гэта не спадабалася Эмілю Францішку Бур’яну, які недалюбліваў кінематограф, таму ў 1958 годзе Уладзімір Меншык сышоў з тэатра і падпісаў дагавор з кінастудыяй «Barrandov».

Яго кінематаграфічнае майстэрства поўнасцю раскрылася ў 50-я—60-я гады. Быў не толькі камедыйным акцёрам; бліскуча выконваў таксама трагікамічныя і нават драматычныя ролі. У 1970-х ужо граў пераважна ў камедыях, як у фільмах, так і ў казках і серыялах. З’явіўся ў сотнях тэлевізыйных перадач, зняўся ў больш чым 150 кіна- і тэлефільмах.

Цягам доўгіх гадоў цяжка хварэў на астму. Акрамя таго, шмат курыў і піў[4][5][6], што вельмі падкасіла ягонае здароўе. Апошні раз здымаўся ў тэлеперадачы «ABECEDA» ў маі 1988[5], праз два дні памёр у Брно. Пахаваны на пражскіх Альшанскіх могілках.

Памяць

У ягонай роднай хаце ў Іванчыцах ўсталяваная памятная дошка і дзейнічае пастаянная выстава.

29 красавіка 2007 была ўрачыста адкрытая аглядная вежа Уладзіміра Меншыка ў Гліне [7][8][9].

У Брно існуе кавярня Уладзіміра Меншыка, якой валодае ягоны сын Петэр[10].

Сям’я

Уладзімір Меншык быў жанаты двойчы. З першай жонкай Верай мелі двух дзяцей — сына Пятра (1955) і дачку Уладзіміру (1957). З другой жонкай Вольгай мелі яшчэ двух — сына Яна (1962) і дачку Марціну (1965), якая таксама стала актрысай.

Фільмаграфія

«Нерашучы стралец» (1956) — poddůstojník
«Дзядуля аўтамабіль» (1956)
«Вераснёвыя ночы» (1957)
«Шчаняты» (1957)
«Лёгкае жыццё» (1957)
«Падробка» (1957)
«Канец яснавідцы» (1957)
«Туга» (1958)
«Аднойчы на Раство» (1958)
«Зорка йдзе на поўдзень» (1958)
«Сёння апошнім разам» (1958)
«Абуджаныя» (1959)
«Агідная панна» (1959)
«Кароль Шумавы» (1959)
«Галоўная перамога» (1959)
«Даржбуян і Пандргола» (1959)
«105% алібі» (1959)
«Благія панядзелкі» (1960)
«У нас у Мехаве» (1960) — šofér
«Перажыўшы ўласную смерць» (1960)
«Прашча» (1960)
«Паходні» (1960)
«Хлопец як гара» (1960)
«Шэсце да Багародзіцы» (1961)
«Мужчына з першага стагоддзя» (1961)
«Лабірынт сэрца» (1961)
«Колькі слоў трэба любові» (1961)
«Шукаю тату» (1961)
«Эман Фіала» (дакументальны, 1961)
«Завея» (1962)
«Даждлівы дзень» (1962)
«Ганначка ідзе ў школу» (1962)
«Пачаць спачатку» (1963)
«Цешча» (1963)
«Між намі, злодзеямі» (1963) — Bazan
«Як прыйдзе кот» (1963)
«Крэндзялёк» (1964) — Lahvička
«Аповеды пра дзяцей» (1964)
«Ліманадны Джо, або Конская опера» (1964)
«Чынтамані і ліхвяр» (1964)
«Блазнава хроніка» (1964)
«Закон Архімеда» (1964)
«Паклічце Марціна» (1965)
«Цалкам змучаны хлопец» (1965)
«Трыццаць адзін у цені» (1965)
«Жудасная жонка» (1965)
«Пушчык едзе ў Прагу» (1965)
«Любоўныя прыгоды бландынкі» (1965)
«Герой баіцца» (1965)
«Алібі на вадзе» (1965)
Ženu ani květinou neuhodíš (1966)
«Забойства па-нашаму» (1966)
«Мядовы месяц, або Яшчэ не, Яўжэн!» (тэлевізыйны фільм, 1966)
«Голая пастушка» (1966)
«Хто хоча забіць Джэссі?» (1966)
«Гульня без правіл» (1966)
Flám (1966)
«Аўтарэвю» (тэлевізыйны фільм, 1966)
«Змова з д’яблам» (1967)
«Злачынства і хітрасць 1» (тэлевізыйны фільм, 1967)
«Абсалютна сакрэтныя прэм’еры» (1967)
«Маркета Лазарава» (1967)
«Клетка для дваіх» (1967)
«Калі ж свята Дамініка» (1967)
«Хэпі энд» (1967)
«Усе добрыя суайчыннікі» (1968)
«Крэматар» (1968)
«Рапарт» (тэлевізыйны фільм, 1968)
«Труну ва сне ўбачыўшы» (1968)
«Нашая шалёная сямейка» (1968)
«Маратон» (1968)
«Грэшныя людзі горада пражскага» (тэлевізыйны серыял, 1968)
«Багавуш» (тэлевізыйны фільм, 1968)
«Шэсць чорных дзяўчынак, або Чаму знік Заяц» (1969)
«Светачы» (1969)
«Радасці бацькі Айчыны» (1969)
Přehlídce velím já (1969)
«Цнатлівасць і крымінал» (1969)
«Адважная ледзі» (1969)
«Забойства інжынера Чорта» (1970)
«Рэквіем па рыцарах» (1970)
«Радуз і Магулена» (тэлевізыйны фільм, 1970)
«Спадарожніца прыгожага драгуна» (1970)
«Спадару, вы ўдава!» (1970)
«На камеце» (1970)
«Лук каралевы Дароткі» (1970)
«Жанчыны ў афсайдзе» (1971)
«Туга Шэрлака Холмса» (1971)
«Саламяны капялюш» (1971)
«Пяць мужчын і адно сэрца» (1971)
«Дзе сонца не ходзіць» (тэлевізыйны фільм, 1971)
«Ф.Л. Век» (тэлевізыйны сэрыял, 1971)
«Дзяўчына на мятле» (1971)
«Залатое вяселле» (1972)
«Радэа» (1972)
«Рабаўнік Легенда» (1972)
«Аферы маёй жонкі» (1972)
«Ордэр на арышт каралевы» (1973)
«Тры арэшкі для Папялушкі» (1973)
«Апошні бал на рожнаўскім басейне» (1974)
«Як утапіць доктара Мрачка» (1974)
«Ці падыходзім мы адзін аднаму, любы?» (1974)
«Жыла-была адна хата» (тэлевізыйны серыял, 1974)
«Так пачынаецца каханне…» (1975)
«Родзіч» (тэлевізыйны фільм, 1975)
«Памаранчавы хлопчык» (1975)
«Купанне жарэбчыкаў» (1975)
«Мой брацік мае найлепшага браціка» (1975)
«Поле» (1975)
«Два чалавекі пачынаюць наступ» (1975)
Parta hic (1976)
«Наш дзядуля Ёзэф» (1976)
«Бурлівае віно» (1976)
«Заўтра ўстану і абваруся гарбатай» (1977)
«Як абудзіць прынцэсу» (1977)
«Чаму б не дадаць шпінату» (1977)
«Ікарава падзенне» (1977)
«Жанчына за пультам» (1977)
«Залатыя вугры» (тэлевізыйны фільм, 1978)
«Скандал у бары Гры-Гры» (1978)
«Прынц і Вячэрняя зорка» (1978)
«Не чапайце яго, няхай баіцца» (1978)
«Пагроза» (1978)
«Брат на ўсе грошы» (1978)
«Цудоўныя мужчыны з камерай» (1978)
«Каханне між кроплямі дажджу» (1979)
«Крохкія ўзаеміны» (1979)
«Арабела» (тэлевізыйны серыял, 1979)
«Злачынства на пошце» (тэлевізыйны серыял, 1980)
«Саспелае віно» (1981)
«Выходныя без бацькоў» (1981)
«Зялёная хваля» (1982)
«Развод дык развод» (1982)
«Наведнікі» (тэлевізыйны серыял, 1983)
«Лятаючы Чэстмір» (тэлевізыйны серыял, 1983)
«Як князь Роган» (тэлевізыйны фільм, 1983)
«Пералётныя птушкі» (тэлевізыйны фільм, 1983)
«Паўдома без жаніха» (1984)
«Як ствараецца смех» (1984)
«Дзеці заўтра» (1984)
«Маладое віно» (1986)
«Добрыя галубы вяртаюцца» (1987)
Hurá za ním (1988)

Аўтар сцэнарыя

1967 — «Клетка для дваіх»
1971 — «Дзе сонца не ходзіць» (тэлевізыйны фільм)

Спявак

1958 — «Зорка йдзе на поўдзень»
1959 — «Даржбуян і Пандргола»
1960 — «Прашча»
1968 — «Ах, тая вайна» (тэлевізыйны фільм)

Зноскі

↑ Архіўная копія(чэшск.) (недаступная спасылка). Kulturní a informační centrum Ivančice. Архівавана з першакрыніцы 20 студзеня 2018. Праверана 6 ліпеня 2018.
↑ BillionGraves — 2011.
↑ Vladimír Menšík(чэшск.) . osobnosti.cz. Праверана 17 студзеня 2010.
↑ Hana Höschlová. Vladimír Menšík: Umíral a neviděl barvy…(чэшск.) // Blesk. — 2006-03-10. — ISSN 1213-8991.
1 2 Menšíková, Martina Архіўная копія(чэшск.) (недаступная спасылка) (14 кастрычніка 2007). Архівавана з першакрыніцы 20 студзеня 2008. Праверана 6 ліпеня 2018.
↑
Vladimír Menšík(чэшск.) // Reflex. — 1999-12. — № 51.
↑ Prvbí den otevření(чэшск.) . Obec Hlína. Праверана 8 студзеня 2008.
↑ Архіўная копія(чэшск.) (недаступная спасылка). Turistik.cz. Архівавана з першакрыніцы 22 снежня 2007. Праверана 6 ліпеня 2018.
↑ Z věže Vladimíra Menšíka uvidíte i Alpy(чэшск.) . Centrum.cz (19 лютага 2007). Праверана 8 студзеня 2008.(недаступная спасылка)
↑ Petr Menšík Kavárna Vladimíra Menšíka(чэшск.) . Royal menu. Праверана 8 студзеня 2008.(недаступная спасылка)

Літаратура

Osobnosti — Česko : Ottův slovník. — Praha: Ottovo nakladatelství, 2008. — С. 456—457. — ISBN 978-80-7360-796-8.
TOMEŠ, Josef, a kol. Český biografický slovník XX. století. — Praha; Litomyšl: Paseka; Petr Meissner, 1999. — Т. II. díl : K–P. — С. 376. — ISBN 80-7185-246-5.

Спасылкі

Біяграфія і фільмаграфія (чэшск.) // Kinobox.cz
Чэшска-славацкая фільмавая база (чэшск.)
Уладзімір Меншык на сайце «Internet Movie Database» (англ.)