У Вікіпедыі ёсць артыкулы пра іншых асоб з прозвішчам Ланін (значэнні).
Уладзімір Леанідавіч Ланін (нар. 14 студзеня 1948, в. Чуравічы, Клімаўскі раён, Бранская вобласць, Расія) — беларускі спецыяліст у галіне тэхналогіі радыёэлектроннай апаратуры. Доктар тэхнічных навук (2006), прафесар (2009).
Скончыў Мінскі радыётэхнічны інстытут (кваліфікацыя «Інжынер канструктар-тэхнолаг радыёапаратуры», 1971; аспірантура, 1978).
Працуе ў Беларускім дзяржаўным універсітэце інфарматыкі і радыёэлектронікі (з 1971, факультэт камп’ютарнага праектавання, кафедра электроннай тэхнікі і тэхналогіі, прафесар).
Навуковыя інтарэсы: тэхналогія паяных і мікразварных спалучэнняў у электронных модулях.
Прэміі Савета Міністраў Рэспублікі Беларусь (1991), спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў (2013).