wd wp Пошук: ⬜

Уладзімір Васільевіч Здановіч

У Вікіпедыі ёсць артыкулы пра іншых асоб з прозвішчам Здановіч.

Уладзімір Васільевіч Здановіч (руск.: Зданович Владимир Васильевич; нар. 8 лістапада 1956, в. Плехаўшчына, Бярозаўскі раён Брэсцкай вобласці) — беларускі гісторык, доктар гістарычных навук, загадчык кафедры гісторыі Беларусі БрДУ імя А. С. Пушкіна.

Біяграфія

У 1973 г. скончыў Сялецкую сярэднюю школу. Працаваў рабочым на маторарамонтным заводзе ў Бярозе, у Сігневіцкім будаўніча-мантажным упраўленні. У 1974—1976 гадах праходзіў службу ў Савецкай арміі, пасля вяртання год працаваў токарам у бярозаўскай «Сельгастэхніцы».

1978 г. — паступіў на гістарычны факультэт БДУ. У 1983 г. накіраваны на працу ў БрДУ імя А. С. Пушкіна. Займаў пасады асістэнта. старэйшага выкладчыка, дацэнта кафедры гісторыі славянскіх народаў, дэкана факультэта інстытуцкай падрыхтоўкі, загадчыка кафедры славянскіх народаў, гісторыі Беларусі, прарэктара па навуковай працы і эканоміцы.

У 1988 годзе У. В. Здановіч абараніў дысертацыю на тэму «Камсамол Беларусі — памочнік партыйных арганізацый у павышэнні баявой актыўнасці партызанскіх фарміраванняў», атрымаў навуковую ступень кандыдата гістарычных навук. Навуковым кіраўніком даследавання быў доктар гістарычных навук А. М. Мацко, удзельнік Вялікай Айчыннай вайны. У кастрычніку 2016 года абараніў доктарскую дысертацыю на тэму «Беларусь у гады Вялікай Айчыннай вайны (1941—1945 гг.) у адлюстраванні айчыннай гістарыяграфіі» (навуковы кансультант: член-карэспандэнт НАН Беларусі А. А. Каваленя).

Удастоены знака «Выдатнік адукацыі Рэспублікі Беларусь» (2011), Ганаровымі граматамі Міністэрства адукацыі Рэспублікі Беларусь і ўпраўлення адукацыі Брэсцкага аблвыканкама.

Навуковыя працы

Беларусь у гады Вялікай Айчыннай вайны. Агляд крыніц і айчыннай гістарыяграфіі : манаграфія / У. В. Здановіч; навук. рэд. А. А. Каваленя. — Брэст : БрДУ, 2012. — 283 с.
Беларусь у гады Вялікай Айчыннай вайны (1941—1945 гг.) у адлюстраванні айчыннай гістарыяграфіі : аўтарэферат дысертацыі… доктара гістарычных навук / Здановіч Уладзімір Васільевіч ; Дзяржаўная навуковая ўстанова «Інстытут гісторыі Нацыянальнай акадэміі навук Беларусі». — Мінск, 2012. — 46 с.
Гарады і раёны Берасцейшчыны: гісторыя і сучаснасць. Івацэвіцкі раён / У. В. Здановіч, С. П. Жлоба, А. І. Пашковіч; пад агул. рэд. А. А. Гарбацкага. — Брэст : Брэсцкая друкарня, 2009. — 563 с. : iл.
Новыя падыходы да вызвалення Беларусі ад нацысцкіх акупантаў у сучаснай гістарыяграфіі / У. В. Здановіч // Беларусь: памятное лето 1944 г. : материалы Междунар. науч. конф., посвящённой 70-летию освобождения Беларуси от немецко-фашистских захватчиков, Минск, 19-20 июля 2014 г. / НАН Беларуси [и др.]; редкол.: А. А. Коваленя [и др.]. Минск, 2015. С. 93-98.
Партызанскі рух на тэрыторыі Беларусі ў гады Вялікай Айчыннай вайны ў працах сучасных беларускіх даследчыкаў (2010—2014 гг.) / У. В. Здановіч // Веснік Брэсцкага ўніверсітэта. Серыя 2. Гісторыя. Эканоміка. Права. 2015. № 2. С. 58-64.
Белорусская историография освобождения Беларуси от германских оккупантов / В. В. Зданович// Республика — партизанка: к 70-летию освобождения Беларуси от немецко-фашистских захватчиков / редкол.: С. Л. Кандыбович[и др.]. Москва, 2014. С. 113—127.
Баявыя дзеянні на тэрыторыі Беларусі летам 1941 г. у святле новых дакументальных крыніц / У. В. Здановіч // Беларускі гістарычны часопіс. 2014. № 12. С. 23-27.
Прымусовая праца насельніцтва Беларусі ў 1944—1945 гг.: новыя здабыткі айчыннай гістарыяграфіі / У. В. Здановіч // Беларускі гістарычны часопіс. 2014. № 6. С. 28-33.
Савчук, Т. П. Увековечение событий Великой Отечественной войны в Беларуси : монография / Т. П. Савчук; [науч. ред. В. В. Зданович] ; УО «Брестский государственный университет имени А. С. Пушкина». — Брест : БрГУ, 2013. — 168 с.
Сучасная айчынная гістарыяграфія беларуска-польскіх адносін у гады Другой сусветнай і Вялікай Айчыннай войнаў / У. В. Здановіч // Веснік Брэсцкага ўніверсітэта. Серыя 2. Гісторыя. Эканоміка. Права. 2012. № 1 °C. 12-17.
Беларусы на франтах вайны і ў еўрапейскім руху супраціўлення ў айчыннай гістарыяграфіі (1991—2009 гг.) / У. В. Здановіч // Весцi Нацыянальнай акадэмii навук Беларусi. Серыя гуманітарных навук. 2010. № 3. С. 51-57.
Партизанское движение периода Великой Отечественной войны в белорусской историографии 1990—2005 гг. / В. В. Зданович // Военно-исторический журнал. 2008. № 11. С. 31-35.
Формы барацьбы насельніцтва на акупіраванай тэрыторыі ў гады Вялікай Айчыннай вайны / В. В. Зданович // Проблемы методологии исследований истории Беларуси : материалы Междунар. науч. конф. (Минск, 26-27 окт. 2006 г.) / редкол.: А. А. Коваленя [и др.]. Минск, 2008. С. 34-38.
Характарыстыка дакументальных зборнікаў па гісторыі Беларусі перыяду Вялікай Айчыннай вайны / В. В. Зданович // Весцi Нацыянальнай акадэмii навук Беларусi. Серыя гуманiтарных навук. 2007. № 3. С. 62-69.
Вывучэнне гісторыі барацьбы беларускага народа супраць нямецка-фашысцкіх акупантаў у гады Вялікай Айчыннай вайны (другая палова 50-х — першая палова 60-х гадоў 20 ст.) / У. В. Здановіч // Веснiк Брэсцкага унiверсiтэта. Серыя гуманітарных і грамадскіх навук. 2005. № 1 (22). С. 34-39.
Брэсцкае падполле ў гады Вялікай Айчыннай вайны / У. В. Здановіч // Веснiк Брэсцкага унiверсiтэта. Серыя гуманітарных і грамадскіх навук. 2004. № 1 (37). С. 19-24.
Яковчик, Н. С. Закозель: земля и люди / Н. С. Яковчик, И. И. Акинчиц, В. В. Зданович. — Барановичи : Укрупнённая типография, 1999. — 85 с.
Комсомол Белоруссии — помощник партийных организаций в повышении боевой активности партизанских формирований : (июнь 1941 — июль 1944 г.) : автореферат диссертации… кандидата исторических наук : 07.00.01 / В. В. Зданович ; Ин-т истории партии при ЦК КП Белоруссии. — Минск, 1988. — 25 с.

Гл. таксама

Зноскі

↑ https://www.dgo-online.org/site-dgo/assets/files/4396/mitglieder_kommission.pdf Праверана 17 лютага 2021.