Уладзі́мір Алякса́ндравіч Валы́нскі (3 студзеня 1899 — 10 лютага 1938) — савецкі партыйны дзеяч, член Сакратарыята ЦК КП(б)Б.
У 1917—1918 гадах у Чырвонай гвардыі, пасля працаваў у рэдакцыі часопіса «Komunistas» ЦК Літоўскай КП.
У 1925 годзе працаваў адказным рэдактарам газеты «Звязда».
12 снежня 1925 года на I Пленуме ЦК КП(б)Б быў абраны членам Сакратарыята, адначасова загадваў Арганізацыйна-размеркавальным аддзелам ЦК КП(б)Б. Быў зняты з пасады на X з’ездзе КП(б)Б у студзені 1927 года.
З 1931 года працаваў 1-м сакратаром Істрынскага (Маскоўская вобласць) раённага камітэта УКП(б).
Арыштаваны 25 ліпеня 1937 года, расстраляны ў 1938 годзе.
Кандыдат у члены (1925—1926), член бюро ЦК КП(б)Б (1926—1927).