У Вікіпедыі ёсць артыкулы пра іншых асоб з прозвішчам Чаравач. Уладзімір Алегавіч Чаравач (11 студзеня 1959, г. Гродна) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.
Нарадзіўся 11 студзеня 1959 года ў г. Гродне.
Скончыў Гродзенскі дзяржаўны ўніверсітэт, юрыст.
Працаваў на гродзенскіх заводах гандлёвага машынабудавання і «Радыёпрыбор» на рабочых спецыяльнасцях; суддзёй, старшынёй суда Кастрычніцкага раёна г. Мінска.
У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.
Узнагароджаны Ганаровай граматай Міністэрства юстыцыі Рэспублікі Беларусь, нагрудным знакам Міністэрства юстыцыі Рэспублікі Беларусь «За адзнаку» II ступені, занесены ў Кнігу пашаны Міністэрства юстыцыі Рэспублікі Беларусь.
Жанаты, мае дачку.