У Вікіпедыі ёсць артыкулы пра іншых асоб з падобнымі імёнамі, гл. Лебедзеў і Уладзімір Лебедзеў.
Уладзімір Іванавіч Лебедзеў (нар. 13 красавіка 1940, Ленінград, Расія) — беларускі фізік. Доктар фізіка-матэматычных навук (1991), прафесар.
Скончыў Беларускі дзяржаўны ўніверсітэт (спецыяльнасць «Фізіка», 1962), Інстытут фізікі АН БССР (аспірантура, 1967).
Працаваў у Інстытуце фізікі АН БССР (з 1962, з 1970 — у Магілёўскім аддзяленні), Магілёўскім дзяржаўным універсітэце імя А. А. Куляшова (1993—2016, факультэт матэматыкі і прыродазнаўства, кафедра прыродазнаўства, прафесар).
Навуковыя інтарэсы: лазерная фізіка; эксперыментальная оптыка.