Тымішаарская дыяцэзія (лац.: Dioecesis Timisoarensis, венг.: Temesvári Római Katolikus Egyházmegye, рум.: Dieceza Romano-Catolică de Timișoara) — каталіцкая дыяцэзія лацінскага абраду з цэнтрам у горадзе Тымішаара, Румынія. Большасць вернікаў — этнічныя венгры.
Тымішаарская дыяцэзія (Тэмешварская па-венгерску) была заснавана 5 чэрвеня 1930 года[1]. Адначасова Бухарэсцкая архідыяцэзія атрымала статус мітраполіі і менавіта ёй была падпарадкавана ўтвораная дыяцэзія. Дыяцэзія была створана з апостальскай адміністратуры Тымішаары, створанай у 1923 годзе.
Дыяцэзія ахоплівае тэрыторыю румынскага Баната. З 1996 года дыяцэзію ўзначальвае біскуп Марцін Роас. Кафедральны сабор дыяцэзіі — Сабор Святога Георгія. Паводле даных на 2010 год дыяцэзія налічвала 143 748 вернікаў, 73 прыходу і 87 святароў[1].