Трырскі ўніверсітэт (ням.: Universität Trier) — нямецкая дзяржаўная вышэйшая навучальная ўстанова са статусам універсітэта з сядзібай у горадзе Трыр.
Папярэднікам універсітэта была вышэйшая школа, заснаваная ў Трыры ў 1473 годзе. Яна была закрытая ў 1798 годзе, калі Трыр па Кампа-Фармійскім мірным пагадненні трапіў пад французскае панаванне.
Сучасны універсітэт быў створаны ў Трыры ў 1970 годзе. Першапачаткова гэта быў універсітэт, размешчаны ў двух гарадах: Трыр і Кайзерслаўтэрн. У 1975 годзе вучэльня была падзелена на два незалежных універсітэта. У тым жа годзе быў закладзены камень для будаўніцтва новага кампуса ў прыгарадзе Трыра.