Трбоўле[2] (славенск.: Trbovlje) — горад у цэнтральнай частцы Славеніі. Па дадзеных на 2012 год насельніцтва горада складала 14 977 чалавек; насельніцтва ўсёй абшчыны — 16 290 чалавек. Трбоўле знаходзіцца ў даліне Савы, за 5 км ад самой ракі і выцягнуты на сем кіламетраў уздоўж невялікага прытоку Савы Трбовельшыцы. За 50 км на паўднёвы захад знаходзіцца Любляна, за 25 км на паўночны ўсход — горад Цэле.
Трбоўле — развіты прамысловы горад, у якім размешчаны прадпрыемствы электраэнергетыкі, хімічнай, цэментнай прамысловасці, машынабудавання. Трбоўле лічыцца адным з самых забруджаных гарадоў краіны. У горадзе ёсць музей, які распавядае пра развіццё шахцёрскай справы і прамысловасці ў рэгіёне.