Траісты пакт, вядомы таксама як Пакт трох дзяржаў 1940 года і Берлінскі пакт 1940 года (ням.: Dreimächtepakt, італ.: Patto Tripartito, яп.: 日独伊三国同盟) — міжнародны дагавор паміж Трэцім Рэйхам, Каралеўствам Італія і Японскай імперыяй. Дагавор быў падпісаны міністрамі замежных спраў трох дзяржаў. У наступстве да дамовы далучыліся Венгрыя, Румынія, Славакія, Балгарыя, Югаславія, Харватыя, Маньчжоу-го і Кітайская рэспубліка.
Разгром Краін Восі ў Другой сусветнай вайне прывёў да ліквідацыі Траістага пакта.