Торгню Карл Сегерстэт (шведск.: Torgny Karl Segerstedt; 1876 — 1945) — шведскі гісторык рэлігіі і журналіст[6].
Прафесар Стакгольмскага ўніверсітэта (1913—1917), з 1917 года галоўны рэдактар «Гётэбаргс хандэльс ош сёфартстыдніг»[6] (Göteborgs Handels- och Sjöfartstidning — Гётэбаргскі гандаль і суднаходства). Антыфашыст[6]. У 1941 годзе меў аўдыенцыю ў караля Густава V, які наракаў яму за жорсткую антыфашысцкую пазіцыю і публічныя выказванні, што, на меркаванне караля, магло прывесці да вайны з Германіяй[7].