«Тоні Эрдман» (ням.: Toni Erdmann) — мастацкі фільм 2016 года рэжысёркі Марэн Адэ[en][10]. Галоўныя ролі ў фільме выканалі Петэр Сіманішэк і Сандра Хюлер.
Дабрадушны Уінфрэд, самотны настаўнік музыкі, сумуе па сваёй дачцэ Інэс, сапраўднай бізнес-вумэн, якая з’ехала ў доўгую камандзіроўку ў Румынію. Пасля адной кароткай сустрэчы Уінфрэд пачынае сур’ёзна непакоіцца, ці шчаслівая яго дачка і ці радасна ёй жывецца. Ён вырашае наведаць яе яшчэ раз, толькі не ў сваім абліччы. Ён хоча прыўнесці ў яе жыццё крыху гумару, для чаго, надзеўшы дурны парык і ўставіўшы бутафорскія зубы, мужчына пераўвасабляецца ў Тоні Эрдмана. У сваім новым вобразе Уінфрэд пераследуе вельмі сур’ёзную Інэс на сустрэчах з дзелавымі партнёрамі і ледзь не руйнуе яе кар’еру…
Паводле інфармацыі сайта «Internet Movie Database» фільм быў адзначаны 58 кінаўзнагародамі і яшчэ 84 намінацыямі[11].