У Вікіпедыі ёсць артыкулы пра іншых асоб з прозвішчам Карлайл.
Томас Карлайл (англ.: Thomas Carlyle; 4 снежня 1795, Эклефехан — 5 лютага 1881, Лондан) — брытанскі пісьменнік, гісторык і філосаф шатландскага паходжання, аўтар шматтомных сачыненняў «Французская рэвалюцыя» (1837), «Героі, шанаванне герояў і гераічнае ў гісторыі» (1841), «Гісторыя жыцця Фрыдрыха II Прускага» (1858—1865). Вызнаваў рамантычны «культ герояў» — выключных асоб накшталт Напалеона, якія сваімі ўчынкамі здзяйсняюць боскае наканаванне і рухаюць чалавецтва наперад, узвышаючыся над натоўпам абмежаваных абывацеляў. Вядомы таксама як адзін з бліскучых стылістаў віктарыянскай эпохі.