Таўстако́лле — возера ў Столінскім раёне Брэсцкай вобласці, за 41 км на паўночны ўсход ад горада Столін, за 8 км на паўночны захад ад аграгарадка Альшаны, на пойме ракі Прыпяць.
Плошча паверхні 0,067 км². Даўжыня 2,2 км, найбольшая шырыня 0,15 км. Даўжыня берагавой лініі 4,8 км.
Возера старычнага тыпу. Знаходзіцца ва ўрочышчы Таўстаколле на тэрыторыі ландшафтнага заказніка «Сярэдняя Прыпяць».