Таццяна Сяргееўна Процька (8 лютага 1951, Мінск) — беларускі фізік, праваабаронца. Кандыдат філасофскіх навук (1983).
Скончыла фізічны факультэт БДУ і аспірантуру Інстытута філасофіі і права НАН Беларусі. Тэма кандыдацкай дысертацыі — «Змена структуры фізічных ведаў у працэсе іх развіцця»[1]. Больш за 20 год працавала старшым навуковым супрацоўнікам Інстытута гісторыі НАН Беларусі.
Аўтар больш за 50 навуковых прац па гісторыі і метадалогіі фізікі, гісторыі Беларусі, артыкулаў па правах чалавека. Старшыня БХК з 1995 (з моманту заснавання арганізацыі) да 2008 года.
Узнагароджаная медалём Ф. Багушэвіча Беларускага ПЭН-цэнтра.