Тамашо́ўскі сельсавет — адміністрацыйна-тэрытарыяльная адзінка ў складзе Брэсцкага раёна Брэсцкай вобласці. Адміністрацыйны цэнтр — аграгарадок (да 2007 г. вёска) Тамашоўка.
Утвораны 12 кастрычніка 1940 года як Камароўскі сельсавет у складзе Дамачаўскага раёна Брэсцкай вобласці БССР. Цэнтр — вёска Камароўка. 10 сакавіка 1954 года цэнтр сельсавета перанесены ў вёску Тамашоўка. 16 ліпеня 1954 года сельсавет перайменаваны ў Тамашоўскі[1]. З 17 снежня 1956 года ў складзе Брэсцкага раёна. 8 верасня 1959 года да сельсавета далучана тэрыторыя скасаванага Ліпінкаўскага сельсавета, населеныя пункты Багданы, Барысы, Дамброўка, Лашнева, Ліпінкі, Падлужжа, Шыкілі перададзены ў падпарадкаванне Дамачаўскага пассавета[2].
У склад сельсавета ўваходзяць 7 населеных пунктаў:
Населены пункт | Статус | Насельніцтва | Паштовы індэкс |
---|---|---|---|
Камароўка | вёска | 407 | 225025 |
Орхава | вёска | 226 | 225025 |
Прыбарава | вёска | 462 | 225023 |
Рыцец | вёска | 11 | 225025 |
Селяхі | вёска | 74 | 225023 |
Тамашоўка | аграгарадок | 1131 | 225025 |
Харсы | вёска | 102 | 225023 |
У 1976 годзе скасавана вёска Станіславоўка[3].
Насельніцтва сельсавета паводле перапісу 2009 года — 2413 чалавек[4], з іх 81,1 % — беларусы, 13,6 % — украінцы, 4,4 % — рускія[5].