«Сіністэр» (англ.: Sinister) — фільм жахаў рэжысёра Скота Дэрыксана, у галоўных ролях Ітан Хоўк, Вінсент Д’Анофрыа і Джэймс Рэнсан. Сусветная прэм’ера адбылася на кінафестывалі «На поўдзень праз паўднёвы захад» 11 сакавіка 2012 года[1].
Разам з сям’ёй аўтар дэтэктываў пасяляецца ў невялікім гарадку, у доме, дзе амаль год назад разгарнулася страшэнная трагедыя — былі забіты ўсе жыльцы. Пісьменнік выпадкова знаходзіць відэазапісы, якія з’яўляюцца ключом да тайны злачынства. Але ні што не даецца дарма: у доме пачынаюць адбывацца жудасныя рэчы і цяпер пад пагрозай жыццё яго блізкіх. Яны сутыкнуліся з чымсьці, ад чаго няма выратавання…