Універсітэ́т Сі́днея (англ.: University of Sydney, таксама нефармальна Sydney Uni) — найстарэйшы дзяржаўны ўніверсітэт у Аўстраліі. Быў заснаваны 1 кастрычніка 1850 года ў адпаведнасці з University of Sydney Act. Размешчаны ў Сіднеі, штат Новы Паўднёвы Уэльс. З’яўляецца адным з лепшых універсітэтаў Аўстраліі і па шматлікіх пазіцыях уваходзіць у дваццатку лепшых універсітэтаў свету. Член Групы васьмі і групы Пясчанікавых універсітэтаў.
Універсітэт складаецца з 16-ці факультэтаў, згрупаваных у 7 каледжаў.
У 1995 годзе ўніверсітэт удзельнічаў у стварэнні Аўстралійскага тэхналагічнага парку.