Сівіча́нка[1] — рака ў Валожынскім раёне Мінскай вобласці Беларусі, левы прыток ракі Волка (басейн Нёмана).
Даўжыня ракі 21 кіламетр. Плошча вадазбору 37 км². Пачынаецца на заходніх схілах Мінскага ўзвышша, за 1 кіламетр на паўднёвы захад ад вёскі Сівіца, цячэ па Налібоцкай пушчы, упадае ў раку Волка за 7,8 км на паўднёвы ўсход ад вёскі Белы Бераг Іўеўскага раёна Гродзенскай вобласці. Пойма пераважна забалочаная. Рэчышча да вусця на працягу 4,1 км. каналізаванае.