Сі́вінскі сельсавет — былая адміністрацыйна-тэрытарыяльная адзінка ў складзе Веткаўскага раёна Гомельскай вобласці. Цэнтр — вёска Сівінка.
Пасля другога ўзбуйнення БССР з 8 снежня 1926 года сельсавет у складзе Веткаўскага раёна Гомельскай акругі БССР. 30 снежня 1927 года сельсавет узбуйнены, у яго склад увайшла тэрыторыя скасаваных Барбянскага, Косіцкага і Папсуеўскага сельсаветаў. Пасля скасавання акруговай сістэмы 26 ліпеня 1930 года ў Веткаўскім раёне БССР, з 20 лютага 1938 года — Гомельскай вобласці. З 17 снежня 1956 года сельсавет у складзе Добрушскага раёна. З 6 студзеня 1965 года сельсавет, за выключэннем вёсак Дубовы Лог, Лявонцьева і Млынок, у складзе адноўленага Веткаўскага раёна[1]. 29 жніўня 1974 года скасаваны пасёлак Арэхаўка[2]. 27 жніўня 1991 года скасаваны, тэрыторыя далучана да Калінінскага сельсавета.