У Вікіпедыі ёсць артыкулы пра іншых асоб з прозвішчам Торндайк.
Дама Агнес Сібіл Торндайк CH DBE (англ.: Agnes Sybil Thorndike, 24 кастрычніка 1882 — 9 чэрвеня 1976) — англійская актрыса.
У кіно дэбютавала стужкай Moth and Rust (1921), у наступным годзе з’явілася ў шэрагу нямых фільмаў, у тым ліку ў кінаверсіі кніг «Халодны дом», «Сабор Парыжскай Божай Маці», «Макбет», «Венецыянскі купец» і «Пунсовая літара» .
У 1927 годзе яна з’явілася ў кароткаметражнай экранізацыі п’есы Джорджа Бернарда Шоу «Святая Жанна», у якой паказана сцэна ў саборы. Сярод яе найбольш прыкметных кінапрац можна вылучыць ролю сястры Эдыт Кавел ў «Світанку» (1928), Элен ў «Ружы Цюдараў» (1936), генерал Бейнс ў «Маёр Барбары» (1941), місіс Гіл ў «Страху сцэны», каралева Вікторыя ў Мельба (1952) і каралева-ўдава ў «Прынцы і танцорцы» (1957, прэмія Нацыянальнага савета кінакрытыкаў ЗША за лепшую жаночую ролю другога плана). Яе апошняя роля ў кіно была ў фільме «Дзядзька Ваня» 1963 года.
У брытанскім фільме 2011 года «7 дзён і начэй з Мэрылін» ролю Сібіл Торндайк выканала англійская актрыса Джудзі Дэнч.