Сяргей Мікалаевіч Каданчык (12 верасня 1906, вёска Майсеевічы, Асіповіцкі раён, Магілёўская вобласць — 15 верасня 1943) — Герой Савецкага Саюза.
У Чырвонай Арміі з 1928 г. Удзельнік вызвалення Заходняй Беларусі ў 1939 г., савецка-фінляндскай вайны 1939—1940 гг. З чэрвеня 1941 г. на Паўднёвым, Паўднёва-Заходнім, Закаўказскім, Паўднёва-Каўказскім франтах. Падпалкоўнік С. М. Каданчык вызначыўся ў верасні 1943 г. пры вызваленні Новарасійска. Загінуў у баі. Пахаваны ў брацкай магіле на плошчы Герояў у Новарасійску. Званне Героя Савецкага Саюза прысвоена 18.9.1943 г. Яго імем названы вуліцы ў Асіповічах і Новарасійску, рыбалоўны траўлер; у вёсцы Майсеевічы на будынку школы, дзе ён вучыўся, мемарыяльная дошка.