У Вікіпедыі ёсць артыкулы пра іншых асоб з прозвішчам Цытовіч. Сяргей Георгіевіч Цытовіч (6 (18) ліпеня 1886, Горкі, Магілёўская губерня, цяпер Магілёўская вобласць — 7 ліпеня 1963) — беларускі гісторык, філолаг, грамадскі дзеяч.
Скончыў у 1910 годзе Харкаўскі ўніверсітэт. З 1910 года выкладчык землямерна-агранамічнага вучылішча ў Горках. У 1917 далучыўся да канстытуцыйна-дэмакратычнай партыі, стаў лідарам яе Горацкага аддзела, рэдагаваў газету «Горецкий вестник». З 1919 года выкладаў на рабфаку пры Горы-Горацкім земляробчым інстытуце, з 1931 года працаваў у Дзяржаўным архіве Гомельскай вобласці.
Тройчы (1918, 1920, 1922) арыштоўваўся органамі ВЧК—ДПУ.
У Другую сусветную вайну настаўнічаў у Саратаўскай вобласці (Расія). З 1944 года выкладчык МВПІ.
Аўтар прац пра падзеі паўстання 1863—1864 гадоў і Кастрычніцкага перавароту 1917 у Горках, Горы-Горацкі земляробчы інстытут і інш.