Сяргей Васілевіч Шумік (5 ліпеня 1928, Харкаў, Украіна — 1 сакавіка 1994) — беларускі спецыяліст у галіне эксплуатацыі аўтамабільнага транспарту. Доктар тэхнічных навук (1981), прафесар (1982).
Скончыў Усесаюзны завочны політэхнічны інстытут (1954).
Працаваў у Усурыйскам вышэйшым ваенным аўтамабільным камандным вучылішчы (з 1970, начальнік кафедры), Беларускай дзяржаўнай політэхнічнай акадэміі (з 1975, аўтатрактарны факультэт, кафедра «Тэхнічная эксплуатацыя аўтамабіляў», прафесар, у 1975—1990 — загадчык кафедры).
Навуковыя інтарэсы: праблемы эксплуатацыі і метады дыягностыкі тэхнічнага стану аўтамабіляў.