wd wp Пошук: ⬜

Сямён Тобіясавіч Цукерман

У Вікіпедыі ёсць артыкулы пра іншых асоб з прозвішчам Цукерман.

Сямён (Саламон) Тобіясавіч Цукерман (1902, Віцебск — 1988) — савецкі канструктар, распрацоўшчык сістэм прыцэльвання, прафесар.

Біяграфія

Паходзіў з віцебскіх яўрэяў. Вучыўся ў рэальным вучылішчы ў Санкт-Пецярбургу. У 1919—1925 гг. працаваў манцёрам на электрастанцыі ў Петраградзе.

У 1926 годзе скончыў Ленінградскі тэхналагічны інстытут, у 1925—1927 гадах працаваў на заводзе «Рускі дызель», у 1927—1928 гг. у Чырвонай Арміі. З 1930 года начальнік канструктарскага бюро, тэхнічны дырэктар АКБ ва Усесаюзным аб’яднанні оптыка-механічнай прамысловасці. З 1936 года — галоўны канструктар Дзяржаўнага аптычнага інстытута ў Ленінградзе. У 1937—1942 гг. і з 1947 года ў Ленінградскім інстытуце дакладнай механікі і оптыкі (прафесар, у 1947—1972 гг. — загадчык кафедры ваенных аптычных прыбораў). У 1943—1947 гадах загадваў кафедрай Оптыка-механічныя прыборы ў МВТВ імя Баўмана.

З 1972 года С. Т. Цукерман прафесар кафедры АЭП ЛІТМО.

Узнагароды

Навуковыя працы

Цуккерман С. Т. Точные механизмы: Основания теории, расчёт и конструкция. Ч. 1—2. — М.: Оборонгиз, 1941.
Цуккерман С. Т., Гридин А. С. Управление машинами при помощи оптического луча. — М.: Машиностроение, 1969.

Аўтар шэрагу патэнтаў [1].

Зноскі

↑ Банк патентов РФ на изобретения и промышленные образцы ФИПС Роспатента (руск.)

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — 512 с. — 10 000 экз. — ISBN 985-11-0279-2 (т. 17), ISBN 985-11-0035-8.

Спасылкі

Цуккерман Семен Тобиасович // Виртуальный музей Университета ИТМО (руск.)
Цукерман Сямён Тобіясавіч на сайце анлайн-энцыклапедыі «Беларусь у асобах і падзеях»