Сцяпан Рыгоравіч Мулярчык (нар. 8 студзеня 1943, в. Азярцо, Івацэвіцкі раён, Брэсцкая вобласць) — беларускі спецыяліст у галіне сістэм аўтаматызацыі праектавання. Доктар тэхнічных навук (1988), прафесар (1989).
Скончыў Беларускі дзяржаўны ўніверсітэт (фізічны факультэт, спецыяльнасць «Радыёфізіка і электроніка», 1966), Маскоўскае вышэйшае тэхнічнае вучылішча імя М. Э. Баўмана (аспірантура, 1971).
Працуе ў Беларускім дзяржаўным універсітэце (факультэт радыёфізікі і камп’ютарных тэхналогій, кафедра інфарматыкі і камп’ютарных сістэм, з 1984 — загадчык кафедры, у 1990—2012 — дэкан факультэта).
Спецыяліст у галіне сістэм аўтаматызацыі праектавання. Доктар тэхнічных навук (1988), прафесар (1989).
Медаль СССР «За працоўную адзнаку» (1986), званне «Заслужаны работнік адукацыі Рэспублікі Беларусь» (1996), нагрудны знак «Выдатнік адукацыі» (2003) і інш.