Сцяпан Георгіевіч Кандраценя (18 сакавіка 1937, в. Будча, Ганцавіцкі раён, Брэсцкая вобласць — 28 верасня 1995) — беларускі матэматык. Доктар фізіка-матэматычных навук (1984), прафесар (1984).
Скончыў Брэсцкі дзяржаўны педагагічны інстытут імя А. С. Пушкіна (фізіка-матэматычны факультэт, 1960), Інстытут матэматыкі АН БССР (аспірантура, 1969).
Працаваў у Брэсцкім дзяржаўным універсітэце імя А. С. Пушкіна (1963—1995, фізіка-матэматычны факультэт, кафедра матэматычнага аналізу, прафесар, у 1972—1995 — загадчык кафедры, у 1982—1984 — дэкан факультэта, у 1969—1978 — прарэктар па вучэбнай рабоце).
Навуковыя інтарэсы: нелінейныя звычайныя дыферэнцыяльныя ўраўненні.