Сцяг Саламонавых Астравоў
Дзяржаўны сцяг Саламонавых Астравоў — прыняты 18 лістапада 1977 года. Дызайн сцяга распрацаваны новазеландцам Джонам Хазелдайнам (англ.: John Hazeldine).[1][2]
Апісанне і сімволіка
Дзяржаўны сцяг Саламонавых Астравоў уяўляе сабой прамавугольнае палатно з жоўтай паласой, якая цягнецца ад ніжняга левага вугла сцяга па дыяганалі ў верхні правы вугал. Верхні прамавугольны трохвугольнік афарбаваны ў сіні колер, а ніжні — у зялёны колер. У верхнім левым вуглу знаходзіцца выява пяці роўных па памеры пяціканцовых зорак белага колеру.
Колеры маюць наступнае значэнне:
- Сіні колер сімвалізуе ўнутраныя воды і навакольны акіян.
- Зялёны колер увасабляе ўрадлівую зямлю краіны.
- Жоўты колер сімвалізуе сонечнае святло.[3]
Пяць зорак сімвалізуюць пяць першапачатковых правінцый краіны (пасля іх лік павялічыўся).
Іншыя сцягі
Грамадзянскі марскі і гандлёвы сцяг. Суадносіны бакоў: 1:2.
Дзяржаўны марскі сцяг. Суадносіны бакоў: 1:2.
Ваенна-марскі сцяг. Суадносіны бакоў: 1:2.
Гістарычныя сцягі
Брытанскі пратэктарат над большай часткай Саламонавых астравоў быў устаноўлены ў 1893 годзе. Уведзены сцяг быў тыповым для брытанскіх калоній. Ён уяўляў сабой сіняе палатно, у верхнім левым вуглу якога знаходзіўся сцяг Вялікабрытаніі, а ў правай частцы — герб пратэктарата (на ім была намалявана карона і надпіс «British Solomon Islands»).[4]
У 1947 годзе быў уведзены новы сцяг: на ім была зменена выява герба (зараз на гербе была намалявана стылізаваная чорна-белая марская чарапаха на чырвоным фоне). Гэты сцяг выкарыстоўваўся да 1956 года.[5] На чарговым сцягу зноў быў зменены герб: на шчыце з’явіліся выявы арла, чарапахі, льва, фрэгата і разнастайных мясцовых узбраенняў.[6][7]
Сучасны варыянт герба быў прыняты ў 1977 годзе, за год да атрымання незалежнасці ад Вялікабрытаніі.[2]
Заўвагі
- ↑ 10. John Hazeldine(англ.) (недаступная спасылка). Darwin Community. Архівавана з першакрыніцы 29 жніўня 2008. Праверана 13 студзеня 2009.
- 1 2 Joy Basi. The Solomon Islands Flag(англ.) (недаступная спасылка). Solomon Times Online (23 верасня 2008). Архівавана з першакрыніцы 12 лютага 2012. Праверана 13 студзеня 2009.
- ↑ Solomon Islands(англ.) . FOTW Flags Of The World website. Архівавана з першакрыніцы 15 лютага 2012. Праверана 13 студзеня 2009.
- ↑ British Solomon Islands Protectorate c.1906-1947 (Solomon Islands)(англ.) . FOTW Flags Of The World website. Архівавана з першакрыніцы 15 лютага 2012. Праверана 13 студзеня 2009.
- ↑ British Solomon Islands Protectorate 1947-1956 (Solomon Islands)(англ.) . FOTW Flags Of The World website. Архівавана з першакрыніцы 15 лютага 2012. Праверана 13 студзеня 2009.
- ↑ Flag of the Solomon Islands(англ.) . Encyclopædia Britannica. Архівавана з першакрыніцы 15 лютага 2012. Праверана 13 студзеня 2009.
- ↑ British Solomon Islands Protectorate 1956-1966 (Solomon Islands)(англ.) . FOTW Flags Of The World website. Архівавана з першакрыніцы 15 лютага 2012. Праверана 13 студзеня 2009.
Спасылкі
Тэмы гэтай старонкі (4):Катэгорыя·Сцягі паводле алфавіта
Катэгорыя·Сцягі 1977 года
Катэгорыя·Сцягі дзяржаў
Катэгорыя·Дзяржаўныя сімвалы Саламонавых Астравоў