Сцяг Ніжняй Саксоніі
Сцяг Ніжняй Саксоніі - адзін з сімвалаў зямлі Ніжняя Саксонія. Заснаваны на аснове сцягу Германіі. У цэнтры чорна-чырвона-жоўтага трыкалора, які мае суадносіны бакоў 2:3, змешчаны герб Ніжняй Саксоніі. Ніжняя Саксонія выкарыстоўвае адзін і той жа сцяг і ў якасці службовага, і ў якасці грамадзянскага, аднак марскі службовы сцяг трохі адрозніваецца ад асноўнага варыянту і мае выраз у выглядзе ластаўчынага хваста ў свабоднай частцы палотнішча.
Гісторыя
Сцяг Ніжняй Саксоніі быў прадстаўлены ў маі 1951, а афіцыйна зацверджаны ў 1952. Да другой сусветнай вайны на тэрыторыі цяперашняй Ніжняй Саксоніі існавала некалькі тэрытарыяльных адзінак, кожная з якіх выкарыстоўвала свае сімвалы: Гановер, Браўншвайг, Ольдэнбург і Шаўмбург-Ліпэ. Гістарычны сцяг каралеўства Гановер з дзвюх гарызантальных палос — жоўтай і белай — з гербам па цэнтры быў першапачаткова прапанаваны ў якасці ніжнесаксонскага, аднак жыхарамі гістарычна негановерскіх тэрыторый ідэя не была прынята, і быў распрацаваны і зацверджаны цяперашні варыянт. Тым не менш, герб Ніжняй Саксоніі, змешчаны і на яе сцяг, быў у свой час сімвалам і Гановерскага каралеўства, і свабоднай дзяржавы Браўншвайг.
Спасылкі
На Вікісховішчы пакуль няма медыяфайлаў па тэме, але Вы можаце загрузіць іх- Vorläufige Niedersächsische Verfassung vom 13. April 1951 Архівавана 25 мая 2011.
- Gesetz über Wappen, Flaggen und Siegel vom 13. Oktober 1952
- Die Flagge auf www.flaggenkunde.de
Катэгорыя·Сцягі 1951 года
Катэгорыя·Сцягі зямель Германіі
Катэгорыя·Ніжняя Саксонія
Катэгорыя·Сцягі паводле алфавіта