wd wp Пошук: ⬜

Стэн Мікіта

У Вікіпедыі ёсць артыкулы пра іншых асоб з прозвішчам Мікіта.

Станіслаў (Стэн) Мікіта (англ.: Stanislav Mikita), арыгінальнае імя Станіслаў Гут (славацк.: Stanislav Guoth; 20 мая 1940, Сокалчы, Славацкая рэспубліка) — канадскі хакеіст славацкага паходжання, ігрок клуба Нацыянальнай хакейнай лігі «Чыкага Блэкхакс». Лічыцца найлепшым цэнтральным нападнікам 1960-х[2][3].

Біяграфія

Станіслаў Гут нарадзіўся ў вёсцы Сокалчы (цяпер не існуе), і перад прыходам у Чэхаславакію камуністычнага рэжыму эміграваў з цёцяй і дзядзем у Сент-Катарынс (Антарыа, Канада). Ад сваякоў і атрымаў новае прозвішча Мікіта[4].

Гуляць у хакей пачаў за клуб Хакейнай асацыяцыі Антарыа «Сент-Катарынс Тыпіз», і пасля трох зорных сезонаў быў пераведзены ў яго старэйшы клуб «Чыкага Блэкхакс». У сваім другім НХЛ-аўскім сезоне (1961) заваяваў у складзе клуба кубак Стэнлі, стаўшы першым у лізе па колькасці закінутых у плэй-оф шайбаў (6).

Наступны сезон стаў для Стэна прарыўным. Мікіта стаў зорным цэнтравым у славутым «скутэрным звяне» (разам з правым нападнікам Кенам Уорэмам і левымі Эбам Мак-Дональдам і Дагам Монсам)[4]. Ён быў самым небяспечным цэнтравым 60-х. Разам з Бобі Халам яны склалі найбольш магутную атаку «Блэкхакс» дзесяцігоддзя, заўсёды лідзіруючы па колькасці закінутых шайбаў. Спалучаючы спрактыкаваную абарону і рэпутацыю аднаго з лепшых ігракоў на ўкідванні з дапамогай сваёй інавацыйнай скрыўленай клюшкі, Мікіта чатыры разы за дзесяцігоддзе ўзначальваў табліцу бамбардзіраў і ў 1966-67 гадах падзяліўшы першы радок з Бобі Халам і ўсталяваўшы персанальны рэкорд — 97 галоў.

Згаданая клюшка, якой карысталіся ў 1960-х Стэн Мікіта з паплечнікам Бобі Халам, мела больш закручаны крук, што давала значную перавагу нападнікам перад брамнікамі. У рэшце рэшт у 1970 НХЛ абмежавала крывізну крука да 1/2"[5].

На пачатку кар’еры Стэн Мікіта быў сярод найбольш штрафаваных ігракоў лігі, аднак пазней намерыўся гуляць чысцей і двойчы атрымліваў мемарыяльны трафей лэдзі Бінг за спартыўныя паводзіны.

У 1973 годзе Мікіта разам з чыкагаўскім бізнесменам Эрвам Цягнібыкам заснавалі Амерыканскую хакейную асацыяцыю для слабачуючых, у якой выступалі глухія і ігракі з парушэннямі слыху.

Апошнія сезоны Стэна Мікіты былі азмрочаны хранічнымі траўмамі спіны, і ў выніку ён завяршыў кар’еру іграка ў сезоне 1979—1980 гадоў [4]. На той момант толькі Гордзі Гоў і Філ Эспазіта мелі большы паказчык па колькасці пунктаў, і толькі шэсць ігракоў — па колькасці праведзеных матчаў.

У 1983 годзе Мікіта быў уведзены ў Залу хакейнай славы, а ў 2002 — у славацкую Залу хакейнай славы. Цяпер ён з’яўляецца паслом добрай волі ў структуры «Блэкхакс»[6].

Статыстыка

			Рэгулярны сезон									Плэй-оф
Сезон	Клуб	Ліга	Г	Ш	П	Пт	+/-	Шт	Б	SH	GW	Г	Ш	П	Пт	Шт	Б	SH	GW
1956—1957	Сент-Катарынс Тыпіз	ХЛА-мол.	52	16	31	47	—	129	—	—	—	14	8	9	17	44	—	—	—
1957—1958	Сент-Катарынс Тыпіз	ХЛА-мол.	52	31	47	78	—	146	—	—	—	8	4	5	9	46	—	—	—
1958-59	Сент-Катарынс Тыпіз	ХЛА-мол.	45	38	59	97	—	197	—	—	—	—	—	—	—	—	—	—	—
1958-59	Чыкага Блэкхакс	НХЛ	3	0	1	1	—	4	—	—	—	—	—	—	—	—	—	—	—
1959-60	Чыкага Блэкхакс	НХЛ	67	8	18	26	—	119	—	—	—	3	0	1	1	2	—	—	—
1960-61	Чыкага Блэкхакс	НХЛ	66	19	34	53	—	100	—	—	—	12	6	5	11	21	—	—	—
1961-62	Чыкага Блэкхакс	НХЛ	70	25	52	77	—	97	—	—	—	12	6	15	21	19	—	—	—
1962-63	Чыкага Блэкхакс	НХЛ	65	31	45	76	—	69	—	—	—	6	3	2	5	2	—	—	—
1963-64	Чыкага Блэкхакс	НХЛ	70	39	50	89	—	146	14	1	7	7	3	6	9	8	—	—	—
1964-65	Чыкага Блэкхакс	НХЛ	70	28	59	87	—	154	8	0	6	14	3	7	10	53	—	—	—
1965-66	Чыкага Блэкхакс	НХЛ	68	30	48	78	—	58	11	1	1	6	1	2	3	2	—	—	—
1966-67	Чыкага Блэкхакс	НХЛ	70	35	62	97	—	12	8	1	5	6	2	2	4	2	—	—	—
1967-68	Чыкага Блэкхакс	НХЛ	72	40	47	87	−3	14	13	2	8	11	5	7	12	6	3	0	0
1968-69	Чыкага Блэкхакс	НХЛ	74	30	67	97	+17	52	7	3	2	—	—	—	—	—	—	—	—
1969-70	Чыкага Блэкхакс	НХЛ	76	39	47	86	+29	50	7	0	8	8	4	6	10	2	3	0	1
1970-71	Чыкага Блэкхакс	НХЛ	74	24	48	72	+21	85	7	0	4	18	5	13	18	16	1	0	1
1971-72	Чыкага Блэкхакс	НХЛ	74	26	39	65	+16	46	5	0	6	8	3	1	4	4	0	0	0
1972-73	Чыкага Блэкхакс	НХЛ	57	27	56	83	+31	32	7	1	5	15	7	13	20	8	1	0	2
1973-74	Чыкага Блэкхакс	НХЛ	76	30	50	80	+24	46	6	2	1	11	5	6	11	8	1	0	1
1974-75	Чыкага Блэкхакс	НХЛ	79	36	50	86	+14	48	12	0	6	8	3	4	7	12	1	0	1
1975-76	Чыкага Блэкхакс	НХЛ	48	16	41	57	−4	37	6	0	1	4	0	0	0	4	0	0	0
1976-77	Чыкага Блэкхакс	НХЛ	57	19	30	49	−9	20	6	1	4	2	0	1	1	0	0	0	0
1977-78	Чыкага Блэкхакс	НХЛ	76	18	41	59	+18	35	6	0	2	4	3	0	3	0	2	0	0
1978-79	Чыкага Блэкхакс	НХЛ	65	19	36	55	+3	34	4	0	1	—	—	—	—	—	—	—	—
1979-80	Чыкага Блэкхакс	НХЛ	17	2	5	7	+2	12	0	0	0	—	—	—	—	—	—	—	—
Агулам у ХЛА-мол.			149	85	137	222	—	472	—	—	—	22	12	14	26	90	—	—	—
Агулам у НХЛ			1394	541	926	1467	+159	1270	127	12	67	155	59	91	150	169	12	0	6

Узнагароды і дасягненні

14-е месца па колькасці пунктаў, 16-е па колькасці перадачаў, 29-е па колькасці шайбаў, 32-к па колькасці згуляных матчаў (паводле саслоўя на канец сезона 2009—2010)
Мемарыяльны трафей Харта як найкаштоўнейшы ігрок 1967 і 1968 гадоў[7]
Трафей Арта Роса як найлепшы бамбардзір 1964, 1965, 1967 і 1968[7]
Мемарыяльны трафей лэдзі Бінг 1967 і 1968[7]
Першая каманда ўсіх зорак НХЛ 1962, 1963, 1964, 1966, 1967 і 1968[7]
Другая каманда ўсіх зорак НХЛ 1965 і 1970 [7]
Удзельнік матчаў зорак НХЛ 1964, 1967, 1968, 1969, 1971, 1972, 1973, 1974 і 1975
Трафей Лестэра Патрыка 1976 [7]
Адзіны ігрок у гісторыі НХЛ, які атрымліваў трафеі Харта, Арта Роса і лэдзі Бінг у адным сезоне, прычым двойчы — у 1966-67 і 1967-68
Уведзены ў славацкую Залу хакейнай славы ў 2002
У 1998 уключаны на 17-й пазіцыі ў спіс 100 найлепшых хакеістаў паводле The Hockey News
У славацкім Ружамбераку ў яго гонар названая лядовая арэна

Гл. таксама

Зноскі

1 2 Czech National Authority Database Праверана 23 лістапада 2019.
↑ Total Hockey. — Toronto: Total Sports Publishing, 1998. — С. 1794. — ISBN 0-8362-7114-9.
↑ 20th Century Hockey Chronicle. — Lincolnwood, IL: Publications International, Ltd, 1999. — С. 277. — ISBN 1-7853-3504-8.
1 2 3 Mikita, Stan(англ.) . Biography — Honoured Player — Legends of Hockey. Hockey Hall of Fame and Museum (7 чэрвеня 2014).
↑ Puck Daddy.. The 10 best player-inspired NHL rules changes(англ.) . NHL Blog. Yahoo! Sports (7 чэрвеня 2014).
↑ Hall Of Famer Savard Named Blackhawks Ambassador(англ.) . Чыкага Блэкхакс (7 чэрвеня 2014).
1 2 3 4 5 6 Stan Mikita, SVK(англ.) . Eurohockey (7 чэрвеня 2014).

Спасылкі

На Вікісховішчы ёсць медыяфайлы па тэме Стэн Мікіта
Легенды хакею (англ.)
Хакейная база даных (англ.)
Еўрахакей (англ.)

Папярэднік: Піт Марцін	Капітаны Чыкага Блэкхакс 1976–77 з Пітам Марцінам	Пераемнік: Кіт Магнусан
Папярэднік: Бобі Хал	Уладальнік трафея Харта	Пераемнік: Філ Эспазіта
Папярэднік: Гордзі Гоў Бобі Хал	Уладальнік трафея Арта Роса 1964, 1965 1967, 1968	Пераемнік: Бобі Хал Філ Эспазіта
Папярэднік: Алекс Дэльвек'я	Уладальнік трафея лэдзі Бінг 1967, 1968	Пераемнік: Алекс Дэльвек'я