wd wp Пошук: ⬜

Станіслаў Тупік

У Вікіпедыі ёсць артыкулы пра іншых асоб з прозвішчам Тупік. Станіслаў Тупік (літ.: Stanislovas Tupikas, польск.: Stanisław Tupik; 1613 — 12 сакавіка 1682 [1]) — літоўскі педагог і пісьменнік. Доктар багаслоўя, прафесар Віленскага ўніверсітэта [2].

Біяграфія

9 жніўня 1628 г. уступіў у Вільні ў Таварыства Ісуса [3]. У 1646—1647 навучальным годзе Станіслаў Тупік чытаў семінарыстам-езуітам логіку, а ў 1648—1649 навучальным годзе навучаў маладых езуітаў метафізіцы ў Пінскім езуіцкім калегіуме [4]. У 1645—1650 гг. з перапынкамі выкладаў курс філасофіі ў Віленскім універсітэце [2]. З 1658 па 1666 гг. — прыдворны місіянер гетмана вялікага літоўскага і віленскага ваяводы Паўла Яна Сапегі [3].

У 1666—1669 гг. — рэктар Пінскага калегіума [5], а ў 1669—1672 гг. рэктар Віленскага ўніверсітэта [6]. Спеведнік віленскага біскупа (1674—1679) і суперыёр езуіцкай рэзідэнцыі ў Навагрудку (1679—1682)[3].

Tupikas, Stanislovas. Śmierć pańska … pana Pawła Iana Sapiehi, woiewody wileńskiego […]. W Wilnie : z drukarni Akad. Societatis Iesu, 1667.[7].
Encyklopedia wiedzy o jezuitach na ziemiach Polski i Litwy 1564—1995 / оprac. L. Grzebień(польск.) бел.. — Kraków : Wyd-wo WAM, 1996. — 882 s.

Папярэднік:
Андрэй Валовіч(літ.) бел.

Рэктар Віленскага ўніверсітэта(руск.) бел.
1669–1672

Пераемнік:
Бальтазар Рагальскі