У Вікіпедыі ёсць артыкулы пра іншых асоб з прозвішчам Цеханавецкі. Станіслаў Аляксандр Канстанцін Эмануэль Іосіфавіч (Паўлавіч) Цеханавецкі (польск.: Stanisław Aleksander Konstanty Emanuel Ciechanowiecki; 18 снежня 1853, в. Бачэйкава — 5 студзеня 1918) — дыпламат.
Паходзіў з магнацкага роду Цеханавецкіх герба «Дуброва». Нарадзіўся ў сям’і Юзафа Паўла Цеханавецкага і Александрыны з Рызнічаў.
Атрымаў адукацыю ў Парыжы, у англійскім Стоўніхёрсце[en] і ў пецярбургскім элітным Мікалаеўскім кавалерыйскім вучылішчы. У 1872—1877 гадах служыў унтэр-афіцэрам у царскай арміі, удзельнічаў у руска-турэцкай вайне 1877—1878 гадоў.
З 1880 г. дыпламат. З 1908 года генеральны консул у Марселі. Правадзейны стацкі саветнік[1]. У 1916 годзе быў звольнены і выйшаў на пенсію без права на эмерытуру. Памёр праз два гады і быў пахаваны ў Версалі ў пахавальні сям’і Фарсанс (Forsanz).