Спуск суднаў
Спуск су́днаў — тэхналагічны працэс у суднабудаванні і рамонце суднаў. У працэсе спуску корпус судна, які першапачаткова знаходзіцца на беразе (або ў доку), перамяшчаецца ў ваду.
Кіруемы спуск
Перасоўванне судна ажыццяўляецца пры дапамозе дапаможных прылад і механізмаў. У гэтым выпадку персанал, які ажыццяўляе спуск, мае магчымасць рэгуляваць хуткасць перамяшчэння судна. Для кіраванага спуску выкарыстоўваюць:
- Сліпы;
- Плывучыя докі;
- Сухія докі;
- Пнеўматычныя ролік-мяшкі[1];
- Пад’ёмныя краны (толькі для малых суднаў).
Некіруемы спуск
Некіравальны спуск ажыццяўляюць са стапеляў. Пры некіравальным спуску судна перамяшчаецца пад дзеяннем сілы цяжару.
Адрозніваюць падоўжны (судна рухаецца ўздоўж сваёй падоўжнай восі) і папярочны (судна рухаецца ўздоўж папярочнай восі) віды спуску.
Працэс спуску са стапеля падзяляюць на наступныя этапы:
- Ад пачатку руху па стапелю да ўваходу спускавой прылады ў ваду. На судна дзейнічаюць сіла цяжару, сіла інэрцыі і сіла ўзаемадзеяння спускавой прылады са спускавымі дарожкамі стапеля;
- Ад моманту ўваходу спускавой прылады ў ваду да пачатку ўсплывання або перакульвання. У дадатак да паказаных вышэй сілаў на корпус судна і спускавую прыладу пачынае дзейнічаць гідрадынамічная сіла;
- Ад пачатку ўсплывання або перакульвання да спынення кантакту з стапелем;
- Ад спынення кантакту з стапелем да поўнага прыпынку судна адносна берага. На гэтым этапе для прыпынку судна, як правіла, выкарыстоўваюць дапаможныя прылады — драг і якары.
Судна на стапелю да спуску
2 этап спуску
3 этап спуску
4 этап спуску
Спуск
Зноскі
- ↑ Окончательное Руководство по спуск кораблей на воду, судоремонту и ликвидации аварий с использованием пневматических ролик-мешков (нявызн.).
Літаратура
- *Александров В. Л., Арью А. Р., Ганов Э. В., Догадин А. В., Лейзерман В. Ю., Роганов А. С.*Технология судостроения. — Профессия , 2003 г 342 стр.
- Семенов-Тянь-Шанский В. В. Статика и динамика корабля. — Л., Судпромгиз, 1960.
Катэгорыя·Суднабудаванне