Споркі, Малыя Споры — возера ў Пастаўскім раёне Віцебскай вобласці ў басейне ракі Мядзелка, за 7 км у напрамку на паўднёвы захад ад горада Паставы.
Плошча паверхні возера 0,16 км². Даўжыня 0,6, найбольшая шырыня 0,3 км. Найбольшая глыбіня возера дасягае 8,1 м, сярэдняя 1,7 м. Аб’ём вады 0,26 млн. м³.
Катлавіна возера выцягнутая з паўночнага ўсходу на паўднёвы захад. Схілы катлавіны нізкія і спадзістыя, паўднёвай і паўднёва-усходняй частках стромкія вышынёй 12—15 метраў. Берагі нізкія, тарфяністыя, на поўдні і паўднёвым усходзе пясчаныя.
У возера ўпадаюць ручаі. У паўночнай частцы выцякае ручай у возера Споры.