Со́мінскае — возера ў Беларусі, у Івацэвіцкім раёне Брэсцкай вобласці, у басейне Агінскага канала, за 44 км на паўднёвы ўсход ад горада Івацэвічы.
Плошча паверхні 0,41 км², даўжыня 900 м, найбольшая шырыня 650 м, найбольшая глыбіня 33,5 м, даўжыня берагавой лініі 2,5 км. Катлавіна карставага тыпу. Схілы катлавіны вышынёй да 2 м, пад хмызняком, на паўночным захадзе разараныя. Берагі нізкія, забалочаныя, пад хмызняком. Дно возера да глыбіні 10 м выслана пяском, ніжэй сапрапелем. Зарастае расліннасцю да глыбіні 4 м.
На заходнім беразе возера вёска Соміна.