Смоўж іспанскі
Смоўж іспанскі (Arion vulgaris Moquin-Tandon, 1855 альбо памылкова Arion lusitanicus Mabille, 1868) — смоўж роду Arion сямейства Arionidae, атрада лёгачных, класа бруханогіх наземных малюскаў. Інвазійны від, які з сярэдзіны XX стагоддзя распаўсюдзіўся амаль па ўсёй Еўропе. Cур’ёзны шкоднік у сельскай гаспадарцы.
Арэал
Да першай паловы XX стагоддзя смаўжы былі распаўсюджаны толькі ў межах Пірэнейскага паўвострава, аднак даволі хутка асвоілі Цэнтральную і Паўночную Еўропу, верагодна, за кошт ненаўмыснага пераносу чалавекам па гандлёвых шляхах.
Значэнне
У прадстаўнікоў гэтага віду практычна няма натуральных ворагаў, таму яны часта дасягаюць вялікай колькасці і здольныя рабіяць катастрафічныя «набегі» на лугі дзікарослай травы, сады і агароды. Верагодна, вялікая хуткасць распаўсюджвання смаўжа іспанскага звязана з іх гермафрадытызмам. За адну кладку адна асобіна можа вырабіць да ста яек. Для кантролю колькасці смаўжоў прапануюць прымяняць хімічныя і біялагічныя агенты (метальдэгід, паразітычных круглых чарвей і кляшчоў).
Распаўсюджанне ў Беларусі
Ужо ў 2020 годзе навукоўцы Нацыянальнай акадэміі навук Беларусі фіксавалі пранікненне іспанскага смаўжа на тэрыторыю Беларусі[1]. У 2022 годзе беларускія СМІ сталі актыўна прыцягваць увагу да з’яўлення іспанскага смаўжа ў розных кутках Беларусі[2][3].
Зноскі
- ↑ Опасные чужеродные моллюски вытесняют сородичей с огородов
- ↑ У Беларусі з’явіліся іспанскія смаўжы. Толькі не бярыце іх у рукі! Фота
- ↑ Испанские слизни доползли до Барановичей. Фотофакт
Спасылкі
На Вікісховішчы ёсць медыяфайлы па тэме Смоўж іспанскі- Испанский слизень: все, что нужно знать о моллюске, разрушающем нашу экосистему (руск.)
Катэгорыя·Жывёлы, апісаныя ў 1868 годзе
Катэгорыя·Артыкулы без спасылкі на Віківіды
Катэгорыя·Жывёлы паводле алфавіта
Катэгорыя·Малюскі Еўропы
Катэгорыя·Лёгачныя малюскі
Катэгорыя·Біялагічныя артыкулы без ITIS
Катэгорыя·Біялагічныя артыкулы без EOL