«Смерць Маргера» (польск.: Śmierć Margiera) — карціна Казіміра Альхімовіча, напісаная ў 1876 годзе. Створана паводле п’есы «Маргер», якая была напісана Уладзіславам Сыракомляй[1] у 1855 гг.
На карціне адлюстраваны часы старажытнай Літвы, калі крыжакі штурмуюць замак Маргера. К. Альхімовічам праілюстраваны апошні эпізод п’есы, калі сюжэтныя перапетыі кахання і здрады герояў прыводзяць да самагубства гаспадара замка. Сцэна вырашана мастаком па класіцыстычнай схеме, нават са знешнімі атрыбутамі, але ўсё ж напоўненая высокім пачуццём, не выглядае штучнай[1].