Смары́да звычайная (Spicara smaris) — рыба сямейства смарыдавых атрада акунепадобных.
Даўжыня да 20 см, маса да 80 г. Цела сціснутае з бакоў з падоўжнымі блакітнымі палосамі, укрытае ктэноіднай луской. Спінны плаўнік суцэльны, доўгі, анальны кароткі. Рот высоўны, сківіцы з дробнымі вострымі зубамі.
Пашырана ва ўсходняй частцы Атлантычнага акіяна, у Міжземным, Чорным, Азоўскім морах. Зрэдку заходзіць у нізоўі рэк.
Гермафрадыт.
Драпежнік.