ААТ «Слонімская камвольна-прадзільная фабрыка» — прадпрыемства лёгкай прамысловасці Рэспублікі Беларусь па выпуску паўшарсцяной камвольнай пражы ў г. Слонім Гродзенскай вобласці.
Будаўніцтва фабрыкі пачата ў 1971 г. 1-я чарга здадзена з эксплуатацыю ў 1977 г., 2-я — у 1978 г. Асноўнае тэхналагічнае абсталяванне, у т.л. лабараторнае і для ачысткі фарбавальных сцёкаў было закуплена ў Італіі. З 1995 г. адкрытае акцыянернае таварыства.
У лютым 2014 г. была затрымана, а ў 2016 г. абвінавачана дырэктарка фабрыкі за падрыхтоўку да злачынства (ч. 1 арт. 13 КК), атрыманне хабару (ч. 3 арт. 430), перавышэнне ўлады або службовых паўнамоцтваў (ч. 2 арт. 426 КК), прысваенне або растрата (ч. 1 ст. 211 КК), крадзеж шляхам злоўжывання службовымі паўнамоцтвамі (ч. 2 арт. 210 КК) і асуджана да 6,5 гадоў пазбаўлення волі з адбываннем у калоніі агульнага рэжыму, з канфіскацыяй маёмасці, а таксама з пазбаўленнем права займаць пасады, звязаныя з выкананнем арганізацыйна-распарадчых абавязкаў, тэрмінам на 5 гадоў[1].
Паўшарсцяная трыкатажная пража высокіх і сярэдніх нумароў.