Скача чырвоная конніца, Конніца Будзённага на маршы — карціна Казіміра Малевіча. У цяперашні момант захоўваецца ў Рускім музеі. Напісаная ў 1928—1932 гадах, дакладная дата невядомая, на шматлікія свае познія карціны Малевіч ставіў больш раннюю дату.
Карціна доўгі час была адзінай з абстрактных прац мастака, прызнаваная афіцыйнай гісторыяй савецкага мастацтва, чаму спрыяла яе назва і малюнак падзей Кастрычніцкай рэвалюцыі. Малевіч паставіў на зваротным боку дату 1918 года, хоць на самай справе яна была напісана пазней.[1]
Карціна падзеленая на тры часткі: неба, зямля і людзі (чырвоная конніца). Шырыня зямлі і неба суадносяцца ў прапорцыі 0,618 (залатое сячэнне). Конніца з трох груп па чатырох вершніка, кожны вершнік расплываецца, магчыма конніца з чатырох шэрагаў. Зямля намаляваная з 12 колераў.[2]
Згодна легендзе спачатку карціна складалася толькі з рознакаляровых гарызантальных палос. І вось нехта сказаў: «Нешта ў вас не адлюстраваны гераізм грамадзянскай вайны». Тады Казімір Малевіч на адной з гарызантальных палос гэтай карціны адным махам намаляваў чырвоную хвалістую лінію.[3]