Серы́н[1] (α-аміна-β-оксіпрапіонавая кіслата; 2-аміна-3-гідроксіпрапанавая кіслата) — гідраксіамінакіслата, існуе ў выглядзе двух аптычных ізамерый — L і D.
L-серын ўдзельнічае ў пабудове амаль усіх прыродных бялкоў. Упершыню серын быў выдзелены з шоўку, у бялках якога ён выяўлены ў найбольшых колькасцях. Серын адносіцца да групы замяняльных амінакіслот, у арганізме чалавека ён можа сінтэзавацца з прамежкавага прадукта гліколіза — 3-фосфагліцэрата.