wd wp Пошук: ⬜

Сельская гаспадарка Сербіі

Сельская гаспадарка ў Сербіі па-ранейшаму з’яўляецца важнай часткай сербскай эканомікі з гадавым патэнцыялам экспарту ў 12 млрд еўра[1]. Агульная плошча сельскагаспадарчых угоддзяў перавышае 6,12 млн гектараў[2][3]. Сельскагаспадарчая вытворчасць у найбольшай ступені наладжана ў паўночнай Сербіі на ўрадлівай Сярэднедунайскай нізіне і ў паўднёвых далінах, прылеглых да рэк Сава, Дунай і Марава. Рэзкае скарачэнне маштабаў сельскагаспадарчай дзейнасці назіраецца, пачынаючы з 1948 года, калі амаль тры чвэрці насельніцтва краіны былі занятыя ў сельскай гаспадарцы, у цяперашні жа час ― толькі адна чвэрць[4].

Вытворчасць

Сербія вырабляе розныя сельскагаспадарчыя прадукты: у асноўным гэта крупы, садавіна і гародніна. Усё гэта складае значную частку ВУП і экспарту. Сербія займае другое месца ў свеце па вырошчванні маліны (84 299 метрычных тон, першае месца займае Расія) і слівы (146 776 метрычных тон, першае месца займае Кітай). Краіна таксама з’яўляецца буйным вытворцам кукурузы (6 158 120 метрычных тон, 32-е месца ў свеце) і пшаніцы (2 095 400 метрычных тон, 35-е месца ў свеце). Вырошчванне цукровых буракоў (2 299 770 метрычных тон) і насення сланечніка (454 282 метрычных тон) задавальняе ўнутраны попыт на цукар і алей, лішкі адпраўляюцца на экспарт: пастаўляецца каля 180 000 тон цукру ў Еўрапейскі саюз[5].

Віны

У Сербіі вінаграднікі займаюць тэрыторыю, прыкладна роўную 70 000 гектараў, вырабляючы каля 425 000 тон вінаграду ў год. Сербія ўваходзіць у лік 15 самых буйных краін-вытворцаў віна.

Самымі вядомымі вінамі з’яўляюцца Belgrade Seedless, Prokupac, Sauvignon, «Italian Riesling», Cabernet, Chardonnay, White и Red Burgundy, Hamburg, Muscat, Afus Ali, Vranac, Tamjanka, Krstac, Smederevka і Dinka*.*

Садавіна

Садавінавыя фермы займаюць 310 000 гектараў раллі ў Сербіі.

Аб’ём вытворчасці садавіны ў тонах (2012)[6]:

• Яблык 178 713
• Вінаград 263 419
• Персік 53 894
• Груша 39 112
• Сліва 391 485
• Маліна 70 320
• Вішня 74 656

Кампаніі

• Fresh&Co, адна з найбуйнейшых кампаній па вытворчасці фруктовых сокаў у паўднёва-ўсходняй Еўропе разам з кампаніяй neXt
• Foodland, традыцыйныя вырошчванне фруктовых прадуктаў
• Nektar, кампанія па вырошчванні садавіны
• Malina Produkt (First Fruit), кампанія па вырошчванні садавіны
• Mondi Foods (Mondi Serbia), кампанія па вырошчванні садавіны

Зноскі

1. ↑ Serbia’s agricultural potential - EUR 12 billion (нявызн.). B92 (15 сакавіка 2013). Праверана 14 June 2013.
2. ↑ Food Industry (нявызн.). SIEPA. Праверана 14 June 2013.
3. ↑ Agriculture and Enlargement (нявызн.). European Commission (1 мая 2011). Праверана 14 June 2013.
4. ↑ Agriculture and forestry (нявызн.). Encyclopedia Britannica. Праверана 14 June 2013.
5. ↑ Serbia Overview (нявызн.) (недаступная спасылка). Food and Agriculture Organization of the United Nations. Архівавана з першакрыніцы 1 красавіка 2013. Праверана 14 June 2013.
6. ↑ Food Industry in Serbia (нявызн.). SIEPA. Праверана 14 June 2013.

Літаратура

• Милован М. Митровић. Села у Србији. — Београд: Републички завод за статистику, 2015. — 257 с. — ISBN 978-86-6161-150-6.

Тэмы гэтай старонкі (2):
Катэгорыя·Сельская гаспадарка Сербіі
Катэгорыя·Старонкі з няправільным сінтаксісам спасылак на крыніцы