Сві́рскі — ручай у Мядзельскім раёне Мінскай вобласці, у басейне ракі Вілія.
Даўжыня 5 км. Пачынаецца на паўночна-заходняй ускраіне вёскі Сёмкі, упадае ў возера Свір на ўсход ад гарадскога пасёлка Свір. Рэчышча на працягу 0,6 км каля вёскі Болькава каналізаванае. Шырыня рэчышча да 1,5 м. У вёсцы Болькава на ручаі створана невялікая сажалка. Прымае сцёк меліярацыйнай сістэмы «Свір—Іванаўка».