Свяценскае — возера ў Пухавіцкім раёне Мінскай вобласці, за 18 км на паўночны захад ад горада Мар’іна Горка, за 6 км на паўночны ўсход ад гарадскога пасёлка Рудзенск. Адносіцца да басейна ракі Свіслач.
Плошча паверхні 0,11 км², даўжыня 0,44 км, найбольшая шырыня 0,29 км. Максімальная глыбіня 0,5 м, сярэдняя 0,3 м. Даўжыня берагавой лініі 0,86 км. Аб’ём вады 0,03 млн м³.
Возера размешчана сярод асушанага балотнага масіва, на якім вядуцца торфараспрацоўкі. З-за гэтага памеры возера і ўзровень вады ў ім значна вагаюцца.
