У Вікіпедыі ёсць артыкулы пра іншых асоб з прозвішчам Прохарава.
Святлана Міхайлаўна Прохарава (3 красавіка 1939, Мінск — 16 жніўня 2010) — беларускі мовазнавец, спецыяліст у галіне рускага і беларускага мовазнаўства. Доктар філалагічных навук (1991), прафесар (1994).
Скончыла Беларускі дзяржаўны ўніверсітэт (1961).
Працавала ў Савеце Міністраў Беларускай ССР (1961—1967, рэдактар), Беларускім дзяржаўным універсітэце (з 1970, філалагічны факультэт, кафедра прыкладной лінгвістыкі, прафесар).
Навуковыя інтарэсы: дыялекталогія; сінтаксіс; кагнітыўная лінгвістыка; балта-славянскія моўныя сувязі; спецыфіка беларускай і рускай моўнай і канцэптуальнай карціны свету; беларуская канцэптуальная журналістыка.