У Вікіпедыі ёсць артыкулы пра іншых асоб з прозвішчам Смірнова. Святлана Аляксандраўна Смірнова (25 ліпеня 1948, в. Паласня, Стаўбцоўскі раён, Мінская вобласць) — беларускі архітэктар.
Скончыла Беларускі політэхнічны інстытут у 1972 годзе. З 1972 года — архітэктар, старшы архітэктар у Белпрампраекце.
Член Саюза архітэктараў СССР з 1978 года. Пражывае ў г. Мінску.
Асноўныя працы (у аўтарскім калектыве): блокі вытворчых цэхаў № 2, 3 з адміністрацыйна-бытавымі карпусамі БелАЗа ў Жодзіне (1972—1983), вытворчы корпус з адміністрацыйна-бытавымі памяшканнямі гадзіннікавага завода (1976), адміністрацыйна-бытавы і вытворчы карпусы базы механізацыі будтрэста № 4 (1977) у Мінску.