wd wp Пошук: ⬜

Сары Эсая

Сары Мірыям Эсая (фінск.: Sari Miriam Essayah, нар. 21 лютага 1967, Хаўківуоры(ням.) бел., Паўднёвае Сава, Фінляндыя) – фінская хадока, палітык, дэпутат Еўрапейскага парламента (2009–2014) і дэпутат Эдускунты (2003–2007, з 2015). З’яўляецца прэзідэнтам партыі фінскіх хрысціянскіх дэмакратаў(укр.) бел..

Падчас спартыўнай кар’еры выступала з большага на дыстанцыях 5000 і 10000 метраў. У 10000 метрах выйграла чэмпіянат свету 1993 года і чэмпіянат Еўропы 1994 года. Усталявала сем нацыянальных рэкордаў, на 2021 год, усе яны былі не пабітыя.

У 2016 годзе Эсая стала членам Міжнароднага алімпійскага камітэта, да гэтага была членам Камітэта па этыцы Фінскай лёгкаатлетычнай асацыяцыі з 2014 года[4].

Ранняе жыццё і адукацыя

Яе бацька з Марока. Эсая мае ступень магістра ў галіне дзелавога адміністравання і бухгалтарскага ўліку Васкага ўніверсітэта(укр.) бел..

Палітычная кар’ера

Пасля сыходу са спорту Эсая стала палітыкіняй і прадстаўляла хрысціянскіх дэмакратаў(укр.) бел. у парламенце Фінляндыі ў перыяд 2003—2007 гадоў. У 2007 годзе не была пераабрана на пасаду дэпутата. Займала пасаду сакратара партыі хрысціянскіх дэмакратаў(укр.) бел. з 2007 па 2009 год. Эсая была абрана ў Еўрапейскі парламент у 2009 годзе, але не змагла пераабрацца ў 2014 годзе. Параза пакінула фінскіх хрысціянскіх дэмакратаў(укр.) бел. без еўрадэпутатаў на выбарах 2014 года[5]. У лістападзе 2011 года ўзяла шэфства над Мікалаем Дзядком, беларускім актывістам і палітвязнем [6][7].

Эсая была кандыдаткаю на прэзідэнцкіх выбарах у Фінляндыі 2012 года(польск.) бел., але заняла апошняе месца, атрымаў 2,47 % галасоў.

На парламенцкіх выбарах 2015 года Эсая была абрана прадстаўляць наваствораную выбарчую акругу Савонія і Карэлія [8]. Пазней яна была абрана віцэ-спікерам парламенцкай групы хрысціянскіх дэмакратаў(укр.) бел.. У жніўні 2015 год была абрана старшынёй сваёй партыі пасля таго, як яе папярэдніца Пяйві Расянен(польск.) бел. сышла з гэтай пасады[9]. Эсая была пераабрана ў Эдускунту на выбарах 2019 года, таксама была пераабрана на трэці тэрмін старшынёй партыі на з’ездзе хрысціянскіх дэмакратаў(укр.) бел. у жніўні таго ж года.

Іншыя віды дзейнасці

Член Кансультатыўнага савета Фінскага інстытута міжнародных адносін(англ.) бел. (з 2019 года)[10]

Дасягненні

Год	Спаборніцтва	Месца правядзення	Месца	Дысцыпліна	Вынік
Краіна Фінляндыя
1987	Чэмпіянат свету(укр.) бел.	Рым, Італія	19	10 км	47:30
1989	Універсіяда(укр.) бел.	Дуйсбург, ФРГ	3	5000 м	21:34
1990	Чэмпіянат Еўропы(укр.) бел.	Спліт, Югаславія	5	10 км	45:10
1991	Кубак свету па спартыўнай хадзе(польск.) бел.	Сан-Хасэ, ЗША	16	10 км	46:20
	Універсіяда(укр.) бел.	Шэфілд, Англія	1	10 км	44:04
	Чэмпіянат свету(укр.) бел.	Токіа, Японія	3	10 км	43:13
1992	Алімпійскія гульні	Барселона, Іспанія	4	10 км	45:08
1993	Кубак свету па спартыўнай хадзе(польск.) бел.	Мантэрэй, Мексіка	2	10 км	45:18
1993	Чэмпіянат свету(укр.) бел.	Штутгарт, Германія	1	10 км	42:59
1994	Чэмпіянат Еўропы(укр.) бел.	Хельсінкі, Фінляндыя	1	10 км	42:37
1995	Кубак свету па спартыўнай хадзе(польск.) бел.	Пекін, Кітай	12	10 км	44:21
1995	Чэмпіянат свету(укр.) бел.	Гётэбарг, Швецыя	4	10 км	42:20
1996	Алімпійскія гульні	Атланта, ЗША	16	10 км	45:02

Зноскі

1 2 https://www.eduskunta.fi/FI/kansanedustajat/Sivut/778.aspx
↑ Sari Essayah // ČSFD — 2001.
↑ Sari Essayah // Міжнародная асацыяцыя лёгкаатлетычных федэрацый — 1912.
↑ Sari Essayah (нявызн.). Праверана 8 March 2021.
↑ Candidates, Yle site for EU elections 2014. May 26, 2014.
↑ Мікалай Дзядок: «Усіх не перасаджаеце!»
↑ Prisoner’s Godparenthood: Sari Essayah adopts Mikolai Dziadok(англ.) . Праваабарончы цэнтр «Вясна» (23 лістапада 2011). Праверана 7 верасня 2021.
↑ Yle site for Parliamentary elections 2015. April 24, 2015.
↑ Sari Essayah kristillisdemokraattien puheenjohtajaksi (нявызн.) (28 жніўня 2015).
↑ Advisory Council Фінскі інстытут міжнародных адносін(англ.) бел..

Спасылкі