Саро́чынскае — возера ў Чашніцкім раёне Віцебскай вобласці Беларусі ў басейне ракі Лукомка, за 10 км у напрамку на паўднёвы захад ад горада Чашнікі, каля вёскі Сарочына.
Плошча паверхні возера 0,13 км². Даўжыня 0,88км, найбольшая шырыня 0,13 км, даўжыня берагавой лініі 1,9 км. Плошча вадазбору каля 1 км².
Катлавіна Сарочынскага возера лагчыннага тыпу, выцягнутая ў напрамку з поўначы на поўдзень. Схілы катлавіны умерана стромкія, вышынёй 10—12 м. Берагавая лінія слабазвілістая. Берагі пераважна зліваюцца са схіламі катлавіны возера.
На поўначы з возера выцякае ручай у раку Лукомка.