Сарая аль-Джыхад (араб. سرايا الجهاد, бел.: Джыхадысцкія роты) — іракскае шыіцкае апалчэнне, ваенізаванае крыло Руху Хезбала ў Іраку. Групоўку ўзначаліў Хасан аль-Сары[1].
У 2014 годзе «Сарая аль-Джыхад» далучылася да кааліцыі «Сілы народнай мабілізацыі», якая займалася барацьбой з ІДІЛ у Іраку[2]. У альянсе арганізацыя стала вядома як 17-я брыгада[3], прыняўшы ўдзел у баях за мухафазу Анбар[4], аблозе Фалуджы[5] і вызваленні Масула[1]. Яна таксама аказвала садзейнічанне ўраду Башара Асада ў Сірыі[6].