wd wp Пошук: ⬜

Санча III Кастыльскі

У гэтага паняцця ёсць і іншыя значэнні, гл. Санча III.

Санча III Кастыльскі (ісп.: Sancho III de Castilla) або Санча III Жаданы (ісп.: Sancho III el Deseado) (1134 — 31 жніўня 1158, Таледа) — кароль Кастыліі з 1157 г. Старэйшы сын Берэнгелы Барселонскай і Альфонса VII Кастыльскага, па волі якога землі Кастыліі і Леона былі падзелены паміж двума яго сынамі — пасля смерці бацькі Санча стаў каралём Кастыліі, а яго брат Фернанда атрымаў у спадчыну каралеўства Леон. Санча садзейнічаў стварэнню ордэна Калатравы, калі тампліеры адмовіліся падтрымліваць абарону памежнага горада Калатрава, у валоданне якім ён быў перададзены Альфонсам VI у 1147 годзе. Санча перадаў валоданне Калатравой, абату Раймонду Дыега Веласкесу, які і арганізаваў новы ваенны ордэн. Санча III пахаваны ў капэле сабора Санта-Марыя-дэ-Таледа.

Шлюбы і дзеці

30 студзеня 1151 г. ажаніўся з Бланкай Наварскай, дачкой Гарсіі VI, караля Навары. Ад гэтага шлюбу нарадзілася толькі адно дзіця:

Альфонса VIII (1155—1214), пераемнік Санча III на каралеўскім прастоле Кастыліі.

Зноскі

↑ Lundy D. R. Sancho III, Rey de Castilla // The Peerage Праверана 9 кастрычніка 2017.
↑ (unspecified title) Праверана 7 жніўня 2020.

Бургундская дынастыя
Папярэднік Альфонса VII	Кароль Кастыліі 1157 — 1158	Пераемнік Альфонса VIII